Subramanyam For Sale Audio Locked!!
Posted on: Jul 21, 2015
సెప్టెంబర్ 24న సాయి ధరమ్ తేజ్ - హరీష్ శంకర్ ల సుబ్రహ్మణ్యం ఫర్ సేల్
మెగాస్టార్ చిరంజీవి మేనల్లుడు సాయి ధరం తేజ్ హీరో గా, పవన్ కళ్యాణ్ కి గబ్బర్ సింగ్ వంటి బ్లాక్బస్టర్ హిట్ అందించిన హరీష్ శంకర్ దర్శకుడి గా, ప్రముఖ నిర్మాత దిల్ రాజు నిర్మాణ సారధ్యం లో రూపుదిద్దుకున్న భారీ కమర్షియల్ ఎంటర్టైనర్, 'సుబ్రహ్మణ్యం ఫర్ సేల్'.
అమెరికా లో 35 రోజుల పాటు ఎన్నో అందమైన ప్రదేశాలలో షూటింగ్ జరుపుకున్న ఈ చిత్రం ఇప్పుడు విడుదలకు సిద్ధం అవుతోంది. మెగాస్టార్ చిరంజీవి పుట్టిన రోజు అయినటువంటి ఆగష్టు 22 న ఈ చిత్రం ఆడియో ను విడుదల చేసి, సెప్టెంబర్ 24న భారీ స్థాయి లో చిత్రాన్ని ప్రపంచవ్యాప్తం గా విడుదల చేస్తున్నామని దిల్ రాజు తెలిపారు .
శ్రీ వెంకటేశ్వర క్రియేషన్స్ బ్యానర్ లో వచ్చే చిత్రాలకు ఉండే ఉన్నతమైన సాంకేతిక విలువలు, హరీష్ శంకర్ రాసే పదునైన సంభాషణలు, సాయి ధరం తేజ్ అధ్బుతమైన డాన్స్ మరియు నటన, రెజినా గ్లామర్ ఈ చిత్రానికి ప్రధాన ఆకర్షణలు గా నిలుస్తాయి అని చిత్ర బృందం చెబుతోంది.
సాయి ధరమ్ తేజ్, రెజినా , నాగబాబు, కోటా శ్రీనివాస రావు, పృథ్వి, రావు రమేష్ తదితరులు నటిస్తున్నఈ చిత్రానికి సంగీతాన్ని మిక్కీ జే మేయర్ అందిస్తున్నారు. సినిమాటోగ్రఫి : C రామ్ ప్రసాద్ . ఎడిటింగ్ : గౌతం రాజు . ఫైట్స్ : రామ్ లక్ష్మణ్, వెంకట్ . స్క్రీన్ ప్లే : రమేష్ రెడ్డి, సతీష్ వేగేశ్న . కో ప్రొడ్యూసర్స్ - శిరీష్, లక్ష్మణ్. నిర్మాత - దిల్ రాజు. కథ - మాటలు - దర్శకత్వం : హరీష్ శంకర్ ఎస్.