affair (2015)

సన్నీ (ప్రశాంతి), అలెక్స్ (గీతాంజలి) ఇద్దరు మంచి మిత్రులు. సన్నీ మొదట్నుంచీ తనను తాను ఒక మగవాడన్నట్టుగానే ట్రీట్ చేసుకుంటూ ఉంటుంది. వీరిద్దరి ప్రయాణంలో సన్నీకి అలెక్స్‌పై ప్రేమ కలుగుతుంది. అలెక్స్ మొదట సన్నీ ప్రేమను వ్యతిరేకించినా, ఆ తర్వాత ఆమెకు దగ్గరవుతుంది. ఇక ఒకానొక సందర్భంలో అలెక్స్ ఓ వారం రోజుల పాటు తన తల్లిదండ్రులతో గడిపేందుకు ఒక మారుమూల ప్రాంతంలో అడవిలో ఉండే తమ పెద్ద బంగ్లాకు సన్నీతో పాటు వెళుతుంది.

కాగా అదే అడవిలో సన్నీ, అలెక్స్‌లకు ఓ సైకో ద్వారా అనుకోని పరిస్థితులు ఎదురవుతాయి. తమ కళ్ళ ముందే ఆ సైకో చాలామంది ప్రాణాలను తీసుకుంటాడు. ఈ సైకో నుంచి సన్నీ, అలెక్స్‌లు తప్పించుకున్నారా? వీరిద్దరికి, ఆ సైకోకు ఉన్న సంబంధం ఏంటి? చివరకు ఏమైంది? అన్న ప్రశ్నలకు సమాధానమే ఎఫైర్.