Kalyan ram Sher on October 30th!!
Posted on: Sep 19, 2015
అక్టోబర్ 30న నందమూరి కళ్యాణ్రామ్ 'షేర్'
డైనమిక్ హీరో నందమూరి కళ్యాణ్రామ్ హీరోగా సాయి నిహారిక, శరత్చంద్ సమర్పణలో విజయలక్ష్మీ పిక్చర్స్ పతాకంపై మల్లికార్జున్ దర్శకత్వంలో కొమర వెంకటేష్ నిర్మిస్తున్న యాక్షన్ ఎంటర్టైనర్ 'షేర్'. ఈ చిత్రాన్ని అక్టోబర్ 30న వరల్డ్వైడ్గా రిలీజ్ చెయ్యడానికి నిర్మాత కొమర వెంకటేష్ సన్నాహాలు చేస్తున్నారు.
అక్టోబర్ 10న ఆడియో
ఈ సందర్భంగా నిర్మాత కొమర వెంకటేష్ మాట్లాడుతూ - ''మా సినిమాకి సంబంధించిన షూటింగ్ పార్ట్ టోటల్గా కంప్లీట్ అయింది. ప్రస్తుతం పోస్ట్ ప్రొడక్షన్ వర్క్ జరుగుతోంది. అన్ని కార్యక్రమాలు పూర్తి చేసి అక్టోబర్ 30న వరల్డ్వైడ్గా చిత్రాన్ని విడుదల చేయడానికి ప్లాన్ చేస్తున్నాం. ఈ చిత్రం ఆడియోను అక్టోబర్ 10న చాలా గ్రాండ్గా రిలీజ్ చెయ్యబోతున్నాం. థమన్ చాలా ఎక్స్ట్రార్డినరీ మ్యూజిక్ ఇచ్చారు. నిర్మాతల హీరో నందమూరి కళ్యాణ్రామ్గారితో 'షేర్'లాంటి కమర్షియల్ ఎంటర్టైనర్ చెయ్యడం చాలా ఆనందంగా వుంది. ఈ చిత్రంలో కళ్యాణ్రామ్ కొత్త డైమెన్షన్లో కనిపిస్తారు. మల్లికార్జున్ ఎక్స్ట్రార్డినరీ టేకింగ్తో సినిమా చాలా బాగా వచ్చింది. ఈ చిత్రానికి కళ్యాణ్రామ్గారి పెర్ఫార్మెన్స్ హైలైట్గా నిలుస్తుంది. 'పటాస్'తో సూపర్హిట్ సాధించిన కళ్యాణ్రామ్గారికి 'షేర్' మరో పెద్ద హిట్ సినిమా అవుతుంది'' అన్నారు.
దర్శకుడు మల్లికార్జున్ మాట్లాడుతూ - ''అన్నివర్గాల ప్రేక్షకుల్ని ఆకట్టుకునే కమర్షియల్ ఎలిమెంట్స్తో రూపొందిన ఈ చిత్రం కళ్యాణ్రామ్గారి కెరీర్లో మరో సెన్సేషనల్ మూవీ అవుతుంది. ఈ చిత్రంలో కళ్యాణ్రామ్గారి పెర్ఫార్మెన్స్ చాలా ఎక్స్ట్రార్డినరీగా వుంటుంది. థమన్ సూపర్హిట్ సాంగ్స్ని చేశారు. ఆడియో కూడా పెద్ద హిట్ అవుతుంది'' అన్నారు.
డైనమిక్ హీరో నందమూరి కళ్యాణ్రామ్, సోనాల్చౌహాన్ జంటగా నటిస్తున్న ఈ చిత్రంలో బ్రహ్మానందం, రావు రమేష్, రోహిణి, షాయాజీ షిండే, ఆలీ, ఎం.ఎస్.నారాయణ, ముఖేష్ రుషి, ఆశిష్ విద్యార్థి తదితరులు ముఖ్యపాత్రలు పోషిస్తున్నారు.
ఈ చిత్రానికి కథ-మాటలు: డైమండ్ రత్నబాబు, సంగీతం: థమన్ ఎస్.ఎస్., నిర్మాత: కొమర వెంకటేష్, కథ-స్క్రీన్ప్లే-దర్శకత్వం: మల్లికార్జున్.